“നല്ല ശാരീരിക ആരോഗ്യം എങ്ങനെ നിലനിർത്താം ”
പ്രിയ സാരഥിയരേ🙏
അബ്ബായിയ വെസ്റ്റ് യൂണിറ്റിന്റെ ആഭിമുഖ്യത്തിൽ ഓൺലൈൻ Medical awareness session സംഘടിപ്പിക്കുന്നു.
ശ്രീമതി ദിവിഷ വിബീഷിന്റെ (റിവേഴ്സ് ലൈഫ് സ്റ്റൈൽ സ്പെഷ്യലിസ്റ്, എഴുത്തുകാരി) നേതൃത്വത്തിൽ വ്യാഴാഴ്ച 14/12/2024 വൈകിട്ട് 7:00 PM. “നല്ല ശാരീരിക ആരോഗ്യം എങ്ങനെ നിലനിർത്താം ” എന്ന വിഷയത്തെക്കുറിച്ച് ക്ലാസ്സ് എടുക്കുന്നു.
എല്ലാവരും ഈ മെഡിക്കൽ അവയർനസ് സെക്ഷനിൽ പങ്കെടുത്ത് വിജയിപ്പിക്കണമെന്ന് വിനീതമായി അഭ്യർത്ഥിക്കുന്നു
എന്ന്
അബ്ബാസിയ വെസ്റ്റ് യൂണിറ്റ്
ആശംസകളോട്,
ജനറൽ സെക്രട്ടറി സാരഥി കുവൈറ്റ്
“ഒരു ജാതി ഒരുമതം ഒരു ദൈവം മനുഷ്യന് “എന്ന ഏകലോകദർശനം വിശ്വമാനവികതയുടെ വിഹായസിലേക്ക് തുറന്നു വെച്ച ലോകരാധ്യനായ ശ്രീ നാരായണ ഗുരുദേവൻ കല്പിച്ചു അനുവദിക്കപ്പെട്ട ലോകത്തിലെ ഒരേ ഒരു അറിവിന്റെ മഹിമയിലേക്കുള്ള ശിവഗിരി തീർത്ഥാടനം 92 ) മത് വർഷത്തിലേ ക്കു കടക്കുകയാണ് .അതോടൊപ്പം സാരഥി കുവൈറ്റ് സാൽമിയ പ്രാദേശിക സമിതി നേതൃത്വം നൽകി വരുന്ന അറിവിൻറെ തീർത്ഥാടനം 13 വർഷം തികയുന്ന ഈ അവസരത്തിൽ കുവൈറ്റിലെ ശ്രീനാരായണ ഗുരുഭക്തർക്കായി നടത്തപ്പെടുന്ന പ്രതീകാത്മക തീർത്ഥാടനം വിപുലമായ പരിപാടികളോട് കൂടി **2024 ഡിസംബർ 27 വെളളിയാഴ്ച രാവിലെ 8 മണിമുതൽ സാൽമിയ ഇൻഡ്യൻ മോഡൽ സ്കൂൾ ഓഡിറ്റോറിയത്തിൽ **വെച്ച് സംഘടിപ്പിക്കുന്ന താണ് അറിവിന്റെ ഈ തീർഥാടനവേദിയിലേക്ക് ഗുരുദേവ ഭക്തർ ആയ എല്ലാ സാരഥി കുടുംബാംഗങ്ങളെ യും സഹർഷം സ്വാഗതം ചെയ്തുകൊള്ളുന്നു .
പ്രോഗ്രാം കമ്മറ്റിക്കുവേണ്ടി .
ജിജി കരുണാകരൻ
ജനറൽ കൺവീനർ
തീർത്ഥാടനം -2024
ജയൻ സദാശിവൻ
ജനറൽ സെക്രട്ടറി
സാരഥി കുവൈറ്റ്
സാരഥി അംഗങ്ങളുടെ ശാസ്ത്ര-സാങ്കേതിക വൈദഗ്ധ്യം തെളിയിക്കുന്നതിന് ഒരു മികച്ച വേദിയൊരുക്കുന്നതിന്റെ ഭാഗമായി സാരഥി പ്രസിഡണ്ട് ശ്രീ. അജി കെ.റിന്റെ അധ്യക്ഷതയിൽ വെള്ളിയാഴ്ച (06/12/24) ൽ മംഗഫ് മെമ്മറീസ് ഹാളിൽ “ഫ്യൂച്ചറോളജിയ-25” കിക്കോ ഓഫ് മീറ്റിംഗ് സംഘടിപ്പിച്ചു.
യോഗത്തിൽ മത്സര ഇനങ്ങൾ, നിയമാവലികൾ, പ്രധാന കമ്മിറ്റികൾ, ബജറ്റ് എന്നിവയെക്കുറിച്ച് വിശദീകരിച്ചു.
പ്രോഗ്രാം കൺവീനർ ശ്രീമതി മഞ്ജു സുരേഷ്, വനിതാ വേദി ചെയർപേഴ്സൺ ശ്രീമതി പ്രീതി പ്രശാന്ത് എന്നിവർ സാരഥി ഉപദേശക സമിതി അംഗം ശ്രീ. സി.എസ്. ബാബുവിന് നൽകികൊണ്ടു “ഫ്യൂച്ചറോളജിയ-25” ൻ്റെ ഫ്ലെയർ ചടങ്ങിൽ പ്രകാശനം ചെയ്തു.
പ്രധാന വിവരങ്ങൾ:
🔸 മത്സര തീയതി: ജനുവരി 31, 2025
🔸 Venue: പിന്നീട് അറിയിക്കുന്നതാണ്.
🔸 Exhibition : Science, Maths, IT എന്നീ Stream കളിൽ 4 Categories ആയി മത്സരങ്ങൾ നടത്തപ്പെടും.
പുതിയ മത്സര ഇനങ്ങൾ:
🔹 Rubik’s Cube (Open to all)
🔹 Quiz (Science & IT)
🔹 Sudoko
🔹 Creative Corner
1. Best out of Waste Material
2. Paper Craft
🔹Short film competition
🔸 Registration: ഗൂഗിൾ ഫോമിന്റെ മുഖാന്തരം നടത്തും.
🔸മത്സരയിനങ്ങളും നിയമാവലിയും രജിസ്ട്രേഷൻ ഫോം സഹിതം അറിയിക്കുന്നതാണ്.
കിക്കോഫ് മീറ്റിങ്ങിൽ പങ്കെടുത്ത സെൻട്രൽ കമ്മിറ്റി ഭാരവാഹികൾ, വനിതാ വേദി ഭാരവാഹികൾ, ട്രസ്റ്റ് ഭാരവാഹികൾ, ഉപദേശക സമിതി അംഗങ്ങൾ, ഗുരുകുലം, ഗുരുദർശന വേദി, വിവിധ സബ് കമ്മിറ്റികളുടെ അംഗങ്ങൾ, വിവിധ യൂണിറ്റുകളുടെ ഭാരവാഹികൾ, യൂണിറ്റ് അംഗങ്ങൾ എന്നിവർക്കും ഒരിക്കൽ കൂടി നിസ്സീമമായ സ്നേഹവും നന്ദിയും അറിയിക്കുന്നു.
എല്ലാവരുടെയും പിന്തുണയും സഹായ സഹകരണവും “ഫ്യൂച്ചറോളജിയ -25” ന്റെ വിജയത്തിനു വേണ്ടി വിനീതമായി അഭ്യർത്ഥിക്കുന്നു🙏.
മഞ്ജു സുരേഷ്
ജനറൽ കൺവീനർ
Futurologia-2025
ജയൻ സദാശിവൻ
ജനറൽ സെക്രട്ടറി
സാരഥി കുവൈറ്റ്
നീണ്ട 25 വർഷങ്ങൾക്കുശേഷം നമ്മൾ കാത്തിരുന്ന ആ സുദിനം സൂര്യപ്രഭയിൽ തിളങ്ങി, ഇന്ന് പ്രകൃതിപോലും നമുക്കനുകൂലമായി നിൽക്കുന്നു.!
നമുക്കായി നൂറോളം കലാകാരൻമാർ മാസങ്ങളുടെ തയ്യാറെടുപ്പോടുകൂടി ഗുരുവിന്റെ അവിസ്മരണീയ മുഹൂർത്തങ്ങൾ അവതരിപ്പിക്കുന്ന കർമ്മസാക്ഷി എന്ന ദൃശ്യാവിഷ്കാരം….
നമുക്കായീ ഒരു അവിസ്മരണീയ സംഗീത വിസ്മയമൊരുക്കുവാൻ ഹരിചരൻ ശേഷാദ്രി ഉൾപ്പെട്ട 11 അംഗ മ്യൂസിക് ബാൻഡ് ടീം നാട്ടിൽ നിന്നും എത്തിയിരിക്കുന്നു…….
നമുക്കായീ ശിവഗിരിയിൽനിന്നും അനുഗ്രഹാശ്ശിസുകളും ഗുരുസന്ദേശവുമായി ശ്രീമത് വീരേശ്വരാനന്ദ സ്വാമികൾ എത്തിയിരിക്കുന്നു…..
നമുക്കായീ എല്ലാ സൗകര്യങ്ങളും ഉറപ്പുവരുത്തി 2000 ത്തിൽപരം അംഗങ്ങളെ ഉൾകൊള്ളാൻ പറ്റുന്ന കുവൈറ്റിലെ ഏറ്റവും നല്ല വേദിയുടെ അവസാന ഒരുക്കങ്ങളും പൂർത്തിയായി….
നമ്മുടെ മുഖ്യാതിഥി ശ്രീ. എം.എ. യൂസഫ്അലിയെ വരവേൽക്കുവാനും, ഒപ്പം മറ്റു വിശിഷ്ട വ്യക്തിത്വങ്ങളെയും നമ്മുടെ മിടുക്കരായ വിദ്യാർത്ഥി – വിദ്യാർത്ഥിനികളെ ആദരിക്കുവാനും നമ്മുടെയോരുരുത്തരുടെയും മഹനീയ സാന്നിധ്യം അനിവാര്യമാണ്. അതിനായി എല്ലാവരെയും ഒരിക്കൽക്കൂടി സ്നേഹത്തിന്റെ ഭാഷയിൽ ക്ഷണിച്ചുകൊണ്ട് ഇന്ന് വൈകിട്ട് കൃത്യം 3.00 മണിക്ക് ഹവല്ലി പാർക്ക് ഹാളിൽ എല്ലാവരും എത്തിച്ചേരണമെന്ന് ഓർമപ്പെടുത്തുന്നു.
സ്നേഹപൂർവ്വം 🙏
സുരേഷ്.കെ
(സിൽവർ ജൂബിലി ചെയർമാൻ)
കെ. ആർ. അജി
(പ്രസിഡന്റ് – സാരഥി കുവൈറ്റ്)
Saradheeyam@25
രജതജൂബിലിയുടെ നിറവിൽ, സാരഥി കുവൈറ്റിന്റെ പരമോന്നത പുരസ്കാരമായ ‘ഗുരുദേവ സേവാരത്ന അവാർഡ്’ സാരഥീയം വേദിയിൽ, നമ്മുടെയെല്ലാം പ്രിയങ്കരനായ, പദ്മശ്രീ പട്ടം നൽകി രാജ്യം ആദരിച്ച, ശ്രീ എം. എ. യൂസഫലിയ്ക്ക് നൽകി ആദരിക്കുന്നു.
മാനുഷിക മൂല്യങ്ങൾ മുറുകെപിടിച്ച്, തന്റെ വിജയയാത്ര തുടരുന്ന ശ്രീ എം. എ. യൂസഫലിയെ Saradheeyam@25 ൽ, മുഖ്യാതിഥിയായി, നമ്മുക്ക് ആവേശത്തോടെ വരവേൽക്കാം.🌹
🟡ആഗോള ഗുരുദേവ സാഹിത്യ മത്സരങ്ങള്🟡
🔸🔸🔸🔸🔸🔸🔸🔸🔸🔸🔸🔸
ശ്രീനാരായണ ഗുരുദേവ തൃപ്പാദങ്ങളാല് കല്പിച്ചനുവദിക്കപ്പെട്ട ശിവഗിരി തീര്ത്ഥാടനം 91വർഷം തികയുകയാണ്. കാലദേശവര്ത്തിയായ ഗുരുദര്ശന പ്രചരാണര്ത്ഥം
സാരഥി കുവൈറ്റിന്റെ നേതൃത്വത്തില് ശിവഗിരി തീര്ത്ഥാടനത്തോടനുബന്ധിച്ച് കുവൈറ്റില് നടത്തിവരുന്ന ഗുരുദേവ സാഹിത്യ മത്സരങ്ങള് ഈ വര്ഷവും ലോകമെമ്പാടുമുള്ള ഗുരുദേവ വിശ്വാസികളെ ഉള്പ്പെടുത്തി ആഗോള ഗുരുദേവ സാഹിത്യ മത്സരമായി സംഘടിപ്പിക്കുന്ന വിവരം സസന്തോഷം അറിയിക്കട്ടെ.ഓണ്ലൈനായി സംഘടിപ്പിക്കുന്ന പ്രസ്തുത മത്സരത്തിലേക്ക് ലോകമെമ്പാടുമുള്ള ശ്രീനാരായണീയരെ വിനയപുരസരം സ്വാഗതം ചെയ്യുന്നു.
താഴെ കൊടുത്തിരിക്കുന്ന ലിങ്കിലൂടെ മത്സരത്തിനായി രജിസ്റ്റർ ചെയ്യാവുന്നതാണ് .
Please Register Google form link 👇
https://forms.gle/wn1QzW2QDyQzjDE46
കൂടുതൽ വിവരങ്ങൾക്കായി താഴെ പറയുന്ന നമ്പറുകളിൽ ബന്ധപ്പെടാവുന്നതാണ്.
Anish parayil +965 67794133
Jikky Sathyadas +965 65760337
Sajeev Kumar. R +965 6590 5246
Jiji karunakaran +965 60067675
പ്രോഗ്രാം കമ്മറ്റിക്കുവേണ്ടി
കൺവീനർ
ജിജി കരുണാകരൻ
Saradhi Kuwait Silver Jubilee Celebrations
കഴിഞ്ഞ 24 വർഷങ്ങളായി കുവൈറ്റിലും നാട്ടിലും, ഗുരുദേവ ദർശനത്തെ മാർഗ്ഗദീപമാക്കി, നിസ്വാർത്ഥ ജീവകാരുണ്യ പ്രവർത്തനങ്ങളിലൂടെ, മനുഷ്യരാശിയെ സേവിച്ചു വരുന്ന സാരഥി കുവൈറ്റിന്റെ പ്രൗഢോജ്ജ്വലമായ 25 മത് വാർഷികം 2024 നവംബർ 15ന്.
Join Us in Celebrating 25 Years of Service to Humanity!
Be part of a remarkable journey as we honor 25 years of dedication and service to humanity.
Let’s come together to celebrate our Silver Jubilee event!
#SaradhiKuwait
#SilverJubilee
#ServiceToHumanity #Celebrating25Years
ജയ നാരായണഗുരു പ്രിയേ
ശീവഗിരീശ്വരീ ശാരദേ,
ചതുരാസ്യാക്ഷി ശരച്ചന്ദ്ര മരീചികേ
പ്രിയരേ,
അക്ഷരങ്ങളുടെ ലോകത്തേക്ക് കുരുന്നുകൾ ആദ്യാക്ഷരം കുറിക്കുന്ന “വിദ്യാരംഭം 2024”, 23 ഒക്ടോബർ 2024 ന് സാരഥി ഗുരുദർശനവേദിയുടെ നേതൃത്വത്തിൽ അബ്ബാസിയ, മംഗഫ്, സാൽമിയ എന്നീ മേഖലകളിലായി സംഘടിപ്പിക്കുന്ന വിവരം ഏവരേയും അറിയിച്ചുകൊള്ളുന്നു.
വിദ്യാരംഭത്തിന് പേര് രജിസ്റ്റർ ചെയ്യാൻ താല്പര്യമുള്ള അംഗങ്ങൾ കുട്ടിയുടെ പൂർണ്ണമായ പേര് , ഒരു പാസ്പോർട്ട് സൈസ് ഫോട്ടോ, വാട്സാപ്പ് മൊബൈൽ നമ്പർ എന്നിവ താഴെ കൊടുത്തിരിക്കുന്ന നമ്പറുകളിൽ വിളിച്ചു നൽകുവാൻ അഭ്യർത്ഥിക്കുന്നു.
അബ്ബാസിയ
അനില സുധിൻ (5563 3618)
സനീഷ് സതീശൻ (6707 8937)
മംഗഫ്
ഉദയഭാനു (9002 7931)
രാഖി സുകുമാർ (9798 0037)
സാൽമിയ
രമ വിദ്യാധരൻ (5044 4821)
സൈഗാൾ സുശീലൻ (9445 7288)
ഗുരുസേവയിൽ,
സൈഗാൾ സുശീലൻ
ഗുരുദർശനവേദി ചീഫ് കോർഡിനേറ്റർ
ജയൻ സദാശിവൻ
ജനറൽ സെക്രട്ടറി
സാരഥി കുവൈറ്റ്
കുവൈറ്റിലെ പ്രമുഖ ജീവകാരുണ്യ പ്രവാസി സംഘടനയായ സാരഥി കുവൈറ്റിന്റെ രജത ജൂബിലി ആഘോഷങ്ങളുടെ ഭാഗമായി ഫഹഹീൽ യൂണിറ്റ് നേതൃത്വം കൊടുത്ത “സ്നേഹസ്പർശം-2024” എന്ന പേരിൽ കണ്ണൂർ പയ്യന്നൂർ ആനന്ദ ആശ്രമത്തിലെയും ശ്രീനാരായണ വിദ്യാലയത്തിലെ കുട്ടികൾക്കുമായി ഓണാഘോഷവും, ഓണക്കോടി വിതരണവും നടത്തി. ആനന്ദ ആശ്രമത്തിലെ വിദ്യാർത്ഥികളുടെ സ്വാഗത ഗാനത്തോടുകൂടി ആരംഭിച്ച ചടങ്ങ് പയ്യന്നൂർ ഡിവൈഎസ്പി കെ വിനോദ് കുമാർ ഉദ്ഘാടനം ചെയ്തുകൊണ്ട് വിദ്യാർത്ഥികൾക്കും രക്ഷിതാക്കൾക്കും ഉള്ള ഓണക്കോടി വിതരണം ചെയ്തു, ചടങ്ങിന് സാരഥി എക്സിക്യൂട്ടീവ് മെമ്പർ ജിതേഷ് എം.പി അദ്ധ്യക്ഷത വഹിച്ചു, സാരഥി ഭാരവാഹിയും പരിപാടിയുടെ കോഡിനേറ്ററുമായ സന്തോഷ് കാന്തലോട്ട് സ്വാഗതം ആശംസിച്ചു സാരഥി ട്രസ്റ്റ് മെമ്പർ ദിനേശ് ഐ.വി, ആശ്രമം ട്രസ്റ്റ് മെമ്പർമാരായ കെ കൃഷ്ണൻ, എ.കെ. പി നാരായണൻ, റ്റി.പ്രകാശൻ എന്നിവർ ആശംസകളും, ആശ്രമം ട്രസ്റ്റ് മെമ്പർ രാമകൃഷ്ണൻ കണ്ണോ ഓണ സ്തുതി പ്രഭാഷണവും നടത്തി ചടങ്ങിന് ആശ്രമം ട്രസ്റ്റ് സെക്രട്ടറി കെ പി ദാമോദരൻ നന്ദി പ്രകാശിപ്പിച്ചു. മാവേലിയും, പൂക്കളവും, കുട്ടികളുടെ ഓണപ്പാട്ടും ചടങ്ങിന് മിഴിവേകി തുടർന്ന് വിഭവസമൃദ്ധമായ ഓണസദ്യയും, കണ്ണൂർ സംഗീത കൂട്ടായ്മയുടെ സംഗീതവിരുന്നും അരങ്ങേറി.
