നീണ്ട ഒരു ഇടവേളയ്ക്ക് ശേഷം പ്രവാസി ആഘോഷങ്ങൾക്ക് വീണ്ടും തിരശ്ശീല ഉയർന്ന കുവൈറ്റ് മരുഭൂമിയിൽ സാരഥി കുവൈറ്റ് സെൻട്രൽ കമ്മിറ്റിക്ക് വേണ്ടി ഹസ്സാവി നോർത്ത് യൂണിറ്റ് കോർഡിനേറ്റ് ചെയ്യുന്ന മെഗാ പിക്നിക് -2022 മാർച്ച്‌ 25വെള്ളിയാഴ്ച രാവിലെ അഹ്‌മദി പാർക്കിൽ അരങ്ങേറുന്നു.
വിനോദം, വിജ്ഞാനം, കായികം എന്നിങ്ങനെ വിവിധ തലങ്ങളിൽ സാരഥി അംഗങ്ങൾക്ക് മാത്സര്യബുദ്ധിയോടെ ആസ്വാദനപൂർവ്വം പങ്കെടുത്ത് കൊണ്ട് ആകർഷകമായ സമ്മാനങ്ങൾ സ്വന്തമാക്കാൻ നടക്കുന്ന പ്രോഗ്രാം രാവിലെ ഒൻപതു മണിക്ക് ദൈവദശക ആലാപനത്തോട് കൂടി ആരംഭിയ്ക്കും. സാരഥി കുവൈറ്റ് ജനറൽ സെക്രട്ടറി ശ്രീ.ബിജു സി വി സ്വാഗതം ആശംസിയ്ക്കും. പ്രോഗ്രാം കോർഡിനേറ്റർ ശ്രീ.ദിലീപ് അധ്യക്ഷത വഹിക്കും. സാരഥി കുവൈറ്റിന്റെ ആരാധ്യനായ പ്രസിഡന്റ്‌ ശ്രീ.സജീവ് നാരായണൻ മെഗാ പിക്നിക് -2022 ഉദ്ഘാടനം ചെയ്യും.
തുടർന്ന് നടക്കുന്ന വിവിധ കായിക മത്സരങ്ങൾ ആരോഗ്യപരിരക്ഷാക്യാമ്പുകൾ,വിജ്ഞാനമത്സരങ്ങൾ എന്നിവയ്ക്ക് സാരഥി സെൻട്രൽ കമ്മിറ്റി സഹഭാരവാഹികൾ, വനിതാവേദി, ഗുരുകുലം ഭാരവാഹികൾ, മറ്റു യൂണിറ്റ് കോർഡിനേറ്റർമാർ നേതൃത്വം നൽകും.
പിക്നികിൽ പങ്കെടുക്കാൻ ആദ്യം തന്നെ എത്തിച്ചേരുന്ന 200 പേരിൽ നിന്ന് നറുക്കെടുപ്പിലൂടെ തിരഞ്ഞെടുക്കുന്നവർക്ക് പ്രോത്സാഹനസമ്മാനം ഉൾപ്പെടെ ഏർപ്പെടുത്തിയിട്ടുള്ള മെഗാ പിക്നിക് -2022 ഒരു വൻവിജയമാക്കുവാൻ സാരഥി കുടുംബത്തിലെ മുഴുവൻ അംഗങ്ങളെയും സ്നേഹപൂർവ്വം ക്ഷണിക്കുന്നു…