Category:

News/Blog

News

Uncategorized Editor's Picks Gurukulam News/Blog

അണുകുടുംബം….. ഗുരുകുടുംബം

by Generalsecretary December 25, 2022

written by Generalsecretary

സാരഥികുവൈറ്റ് ഗുരുകുലം കുട്ടികൾക്കും , രക്ഷിതാക്കൾക്കുമായി അബ്ബാസിയ റിഥം ഓഡിറ്റോറിയത്തിൽ ശനിയാഴ്ച രാവിലെ 10 മുതൽ 12 വരെ ( 31/12/2022) പ്രശസ്ത ഗുരുധർമ്മ പ്രചാകരനും, മോട്ടിവേഷണൽ സ്‌പീക്കറും ആയ ശ്രീ.ബിബിൻ ഷാൻ അവർകളുടെ നേതൃത്വത്തിൽ “അണുകുടുംബം….. ഗുരുകുടുംബം”എന്ന വിഷയത്തിൽ മോട്ടിവേഷണൽ ക്ലാസ് സംഘടിപ്പിക്കുന്നു .

വിജ്ഞാന പ്രദമായ പ്രസ്തുത പരിപാടിയിലേക്ക് വിവിധമേഖലയിൽപെട്ട എല്ലാ ഗുരുകുലം വിദ്യാർത്ഥികളെയും രക്ഷിതാക്കളെയും പങ്കെടുപ്പിക്കുവാൻ യൂണിറ്റിന്റെയും, അദ്ധ്യാപകരുടെയും ഒപ്പം സംഘാടകാരുടെയും ആത്മാർത്ഥ സഹകരണം ഉണ്ടാകണമെന്ന് അഭ്യർത്ഥിക്കുന്നു

December 25, 2022 0 comments

Editor's Picks News/Blog

സാരഥിയുടെ 15 മത് യൂണിറ്റ് ഉദ്‌ഘാടനം സംഘടിപ്പിച്ചു

by Generalsecretary December 17, 2022

written by Generalsecretary

സാരഥിയുടെ പുതിയ യൂണിറ്റായ ഹസ്ലാവി ഈസ്റ്റ് യൂണിറ്റ് ൻ്റെ ഔദ്യോഗിക ഉദ്ഘാടനം

ഡിസംബർ 17 ന് ശനിയാഴ്ച വൈകിട്ട് 6.30pm ന് അബ്ബാസിയ റിഥം ഓഡിറ്റോറിയത്തിൽ വച്ച് സംഘടിപ്പിച്ചു.

സാരഥി പ്രസിഡന്റ് ശ്രീ.സജീവ് നാരായണന്റെ അദ്ധ്യക്ഷതയിൽ നടന്ന ചടങ്ങിന് ജനറൽ സെക്രട്ടറി ശ്രീ.ബിജു സി.വി. സ്വാഗതം ആശംസിക്കുകയും രക്ഷാധികാരി ശ്രീ.സുരേഷ് കൊച്ചത്ത് ഔദ്യോഗിക ഉദ്ഘാടനം നിർവ്വഹിക്കുകയും ചെയ്തു. പുതിയ യൂണിറ്റിന്റെ അഡ്‌ഹോക് കമ്മിറ്റി കൺവീനർ ആയി ശ്രീ.ഷാജി ശ്രീധരൻ, കമ്മിറ്റി അംഗങ്ങളായി ശ്രീ. അനിൽ കുമാർ, ശ്രീ.സുഹാസ് കാരയിൽ, ശ്രീ. വിജേഷ് വേലായുധൻ, ശ്രീമതി.അനില സുധിൻ എന്നിവരെ നോമിനേറ്റ് ചെയ്തു.

തദവസരത്തിൽ സാരഥി കുവൈറ്റിന്റെ 2023 വർഷത്തെ കലണ്ടർ പ്രകാശനം നടത്തുകയുണ്ടായി. 2023 വർഷത്തെ കലണ്ടർ ഡിസൈൻ ചെയ്ത ശ്രീ.അജികുട്ടപ്പനിൽ നിന്നും സാരഥി പ്രസിഡന്റ് ശ്രീ.സജീവ് നാരായണൻ ആദ്യ പ്രതി ഏറ്റുവാങ്ങി.

കുമാരി മാളവിക വിജേഷിന്റെ ദൈവദശകാലാപനത്തോടെ ആരംഭിച്ച ചടങ്ങിന് സാരഥി ട്രസ്റ്റ് ചെയർമാൻ ശ്രീ.ജയകുമാർ എൻ.എസ്, വനിതാവേദി ചെയർപേഴ്സൺ ശ്രീമതി. പ്രീതസതീശ്‌, അഡ്വൈസറി അംഗങ്ങളായ ശ്രീ. സുരേഷ് കെ.പി, സി.എസ്.ബാബു, ശ്രീ. സുരേഷ് വെള്ളാപ്പള്ളി, എന്നിവർ ആശംസകൾ അർപ്പിച്ചു സംസാരിക്കുകയും സാരഥി സെക്രട്ടറി ശ്രീ. സൈഗാൾ സുശീലൻ പരിപാടികൾ കോർഡിനേറ്റ് ചെയ്യുകയും, ട്രഷറർ ശ്രീ. അനിത്കുമാർ കൃതജ്ഞത രേഖപ്പെടുത്തി പൂർണമദ: ചൊല്ലി യോഗനടപടികൾ അവസാനിച്ചു.

December 17, 2022 0 comments

Editor's Picks News/Blog

സാരഥി ബിസിനസ്സ് ഐക്കൻ അവാർഡ് ഡോ: എ.വി.അനൂപിന്, ഡോ.പൽപ്പു അവാർഡ് ശ്രീ.മാത്യു വർഗ്ഗീസിന്..

by Generalsecretary November 20, 2022

written by Generalsecretary

സാരഥി ഏർപ്പെടുത്തിയ 2022 വർഷത്തെ ഡോക്ടർ പല്പു നേതൃയോഗ അവാർഡ് ബഹ്റിൻ എക്സ്ചേഞ്ച് കമ്പനിയുടെ ചീഫ് എക്സിക്യൂട്ടീവ് ഓഫീസറും, കുവൈറ്റിലെ സാമൂഹിക സാംസ്‌കാരിക ജീവകാരുണ്യ പ്രവർത്തന മേഖലയിലെ നിറസാന്നിധ്യവുമായ പ്രമുഖ വ്യക്തിത്വം ശ്രീ. മാത്യൂസ് വർഗീസിനും, ബിസിനസ്സ് രംഗത്തെ മികച്ച സംരംഭകനുള്ള സാരഥി ഗ്ലോബൽ ബിസിനസ്സ് ഐക്കൺ അവാർഡ് മെഡിമിക്സ് മാനേജിങ് ഡയറക്ടർ ഡോ: എ.വി. അനൂപിനും, സാരഥി കർമ്മശ്രേഷ്ഠ അവാർഡിന് അഡ്വ.ശശിധര പണിക്കർ എന്നിവർ അർഹരായി.

സാരഥി കുവൈറ്റിൻ്റെ 23 – മത് വാർഷികാഘോഷമായ സാരഥീയം 2022 ൻ്റെ വർണ്ണാഭമായ ചടങ്ങുകളിൽ വച്ച് ശിവഗിരി മഠം പ്രസിസൻ്റ് ബ്രഹ്മ്ശ്രീ സച്ചിദാനന്ദ സ്വാമികൾ, ജനറൽ സെക്രട്ടറി ബ്രഹ്മശ്രീ ഋതംബരാനന്ദ, സാരഥി പ്രസിഡൻ്റ് ശ്രീ.സജീവ് നാരായണൻ എന്നിവർ അവാർഡുകൾ സമ്മാനിച്ചു.

പത്തനംതിട്ട സ്വദേശിയായ മാത്യൂസ് 1997ലാണ് കുവൈത്തിലെത്തിയത്. ബഹ്റൈൻ എക്‌സ്‌ചേഞ്ച് ചീഫ് അക്കൗണ്ടന്റായിട്ടായിരുന്നു നിയമനം.

2003ൽ അസിസ്റ്റന്റ് ജനറൽ മാനേജർ ആൻഡ് ഫിനാന്‍സ് കൺട്രോളറായി. 2012ൽ ഹെഡ് ഓഫ് ഓപറേഷൻ എന്ന അഡ്മിനിസ്ട്രേഷൻ വിഭാഗത്തിന്റെ ചുമതലയേറ്റെടുത്തു. 2014ൽ ജനറൽ മാനേജർ, 2022ല്‍ കമ്പനിയുടെ സി.ഇ.ഒ പദവിയിലെത്തി. ബഹ്റൈൻ എക്സ്ചേഞ്ച് എന്ന സ്ഥാപനത്തിന്റെ വളർച്ചയിലും സ്ഥാപനത്തെ പ്രവാസികളുടെ ഇടയിൽ ജനകീയമാക്കിയതിലും മാത്യൂസിന്റെ പങ്ക് വലുതാണ്.. ഭാര്യ ബിന്ദുവും മൂന്നു കുട്ടികളും അടങ്ങുന്നതാണ് കുടുംബം.

ബഹുമുഖ പ്രതിഭയായ ഡോ: എ.വി അനൂപ് ഒരു പ്രമുഖ ബിസിനസ്സ് സംരഭകൻ, സാമൂഹിക പ്രവർത്തകൻ, ചലച്ചിത്ര നടൻ, ചലച്ചിത്ര നിർമ്മാതാവ് എന്നിങ്ങനെ വിവിധ മേഖലയിൽ സ്വയം തെളിയിച്ചിട്ടുണ്ട്. ഗിന്നസ് റെക്കോർഡ്, ദേശീയ, അന്തർദേശീയ, കേരള സംസ്ഥാന എന്നിങ്ങനെ എണ്ണമറ്റ അവാർഡുകൾ അദ്ദേഹത്തിന് ലഭിച്ചിട്ടുണ്ട്. എവിഎ ചോലയിൽ ഹെൽത്ത് കെയർ പ്രൈവറ്റ് ലിമിറ്റഡിന്റെ മാനേജിംഗ് ഡയറക്ടറാണ് ശ്രീ.അനൂപ്, സഞ്ജീവനം ആയുർവേദ ഹോസ്പിറ്റൽ, കൊച്ചി, കേരള, എവിഎ കോൺഡിമെന്റ്സ് പ്രൈവറ്റ് ലിമിറ്റഡിന്റെ ഡയറക്ടർ. ലിമിറ്റഡ്, AVA നാച്ചുറൽസ് പ്രൈവറ്റ്. ലിമിറ്റഡ്, അബുദാബിയിലെ MAAC പവർ റെന്റിംഗ് എക്യുപ്‌മെന്റ്‌സ് എൽഎൽസിയുടെ ചെയർമാനും ‘AVA പ്രൊഡക്ഷൻസ്’ എന്ന ബാനറിൽ ഒരു ഫിലിം പ്രൊഡ്യൂസർ കൂടിയാണ് അദ്ദേഹം.

സാരഥി കുവൈറ്റ് എന്ന സംഘടനയുടെ രൂപീകരണത്തിനും, സംഘടനയുടെ നിലനിൽപ്പിന്റെ നട്ടെല്ലായ ഭരണഘടനയുടെ ശില്പികളിൽ ഒരാളായും, സാരഥിയുടെ യൂണിറ്റ്, സെൻട്രൽ, ട്രസ്റ്റ്, അഡ്വൈസറി ബോർഡ് എന്നീ തലങ്ങളിൽ നേതൃസ്ഥാനം വിവിധ സ്ഥാനങ്ങൾ അലങ്കരിച്ചിട്ടുള്ളതുമായ അഡ്വ.ശശിധര പണിക്കരുടെ 23 വർഷക്കാലത്തെ നിരന്തരപ്രവർത്തനത്തിനും, അർപ്പണബോധത്തിനും നിസ്വാർത്ഥ സേവനത്തിനും അംഗീകാരമായാണ് ” സാരഥി കർമ്മശ്രേഷ്ഠ ” അവാർഡിന് തിരഞ്ഞെടുത്തത് എന്നും ഭാരവാഹികൾ അറിയിച്ചു.

November 20, 2022 0 comments

Editor's Picks News/Blog

കുട്ടനാടൻ MLA ശ്രീ.തോമസ് K തോമസിന് സാരഥിയുടെ ആദരവ്..

by Generalsecretary October 30, 2022

written by Generalsecretary

കുവൈറ്റിൽ സന്ദർശനത്തിനെത്തിയ പ്രമുഖ പ്രവാസി വ്യവസായിയും , കുട്ടനാടൻ MLA യുമായ ശ്രീ.തോമസ് K തോമസിനെ സാരഥി കുവൈറ്റിൻ്റെ ഭാരവാഹികൾ സന്ദർശിക്കുകയും, പൊന്നാട അണിയിച്ച് ആദരിക്കുകയും ചെയ്തു.

സാരഥി പ്രസിഡൻ്റ് ശ്രീ.സജീവ് നാരായണൻ, ജനറൽ സെക്രട്ടറി ശ്രീ.ബിജു. സി.വി, ട്രസ്റ്റ് ചെയർമാൻ ശ്രീ.ജയകുമാർ.എൻ.എസ്, അഡ്വൈസറി അംഗം ശ്രീ.സുരേഷ് കെ.പി എന്നിവർ സന്നിഹിതരായിരുന്നു.

സാരഥി കുവൈറ്റിൻ്റെ 23-)മത് വാർഷികാഘോഷമായ സാരഥീയം 2022 ന് ബഹു: MLA എല്ലാ വിധ ആശംസകളും അറിയിച്ചതിനൊപ്പം ച്ച സാരഥി വേർതിരിവില്ലാതെ നടപ്പാക്കുന്ന വിദ്യാഭ്യാസ,ജീവകാരുണ്യ പ്രവർത്തനങ്ങളെ പ്രകീർത്തിക്കുകയും ചെയ്തു.

സാരഥി സെൻറർ ഫോർ എകസലൻസ്സ് (SCFE) യുടെ പ്രവർത്തനത്തിന് എല്ലാവിധ പിന്തുണയും അദ്ദേഹം വാഗ്ദാനം നൽകുകയും, SCFE ഉടൻ സന്ദർശിക്കുമെന്ന് അറിയിക്കുകയും ചെയ്തു.

October 30, 2022 0 comments

News/Blog Editor's Picks

“സാരഥീയം 2022” നവംബർ 18 ന്

by Generalsecretary October 12, 2022

written by Generalsecretary

സാരഥി കുവൈറ്റിന്റെ 23 മത് വാർഷികാഘോഷം, വിശ്വമഹാഗുരു കല്പിച്ചരുളിയ ശിവഗിരി തീർത്ഥാടനത്തിന്റെ നവതി/ ബ്രഹ്മവിദ്യാലയത്തിന്റെ സുവർണ ജൂബിലികളുടെ ആഘോഷവും ഒരുമിച്ച് “സാരഥീയം 2022” എന്ന പേരിൽ കുവൈറ്റിലെ അമേരിക്കൻ ഇന്റർനാഷണൽ സ്കൂൾ ഓഡിറ്റോറിയത്തിൽ വച്ച് 2022 നവംബർ 18 ന് ” വിപുലമായി ആഘോഷിക്കുന്നു.

ഇന്ത്യയിലെയും കുവൈറ്റിലെയും വിവിധ വിശിഷ്ട വ്യക്തിത്വങ്ങളുടെ സാന്നിധ്യത്തിൽ സാംസ്കാരിക സമ്മേളനം, പ്രശസ്ത കലാകാരന്മാരുടെ പങ്കാളിത്തത്തോടെ അരങ്ങേറുന്ന സംഗീത നിശ, 2021-22 അധ്യയന വർഷത്തിൽ X, XII പരീക്ഷകളിൽ മികച്ച വിജയം കൈവരിച്ച കുട്ടികൾക്ക് അക്കാദമിക് എക്സലൻസ് അവാർഡുകളുടെ വിതരണം എന്നിവ ഒരു ദിവസം നീണ്ടുനിൽക്കുന്ന പ്രസ്തുത പരിപാടിയിൽ സംഘടിപ്പിക്കും .

October 12, 2022 0 comments

News/Blog Gurudarshana Vedhi

സാരഥി വിദ്യാരംഭം

by Generalsecretary October 4, 2022

written by Generalsecretary

അക്ഷരങ്ങളുടെ പുതു ലോകത്തേയ്ക് കാലെടുത്തുവയ്ക്കുന്ന കുരുന്നുകൾക്കായി സാരഥി കുവൈറ്റ് ഗുരുദർശനവേദി ഒരുക്കുന്ന “വിദ്യാരംഭം” ചടങ്ങുകൾ കുവൈറ്റിലെ അബ്ബാസിയ, മംഗഫ് , സാൽമിയ എന്നീ മുന്ന് മേഖലകളിൽ 2022 ഒക്‌ടോബർ 5 ബുധനാഴ്ച രാവിലെ 4.30 am മുതൽ പ്രാർത്ഥനാ ചടങ്ങുകളോടെ പ്രഗത്ഭരായ അദ്ധ്യാപകരുടെ നേതൃത്വത്തിൽ ആരംഭിക്കുന്നതാണ്.
https://www.facebook.com/SaradhiKuwait

അബ്ബാസിയ മേഖല – രുചി ഓഡിറ്റോറിയം
Block 4, Street 4, Ruchi Restaurant Building
Location Map: https://goo.gl/maps/8ufCs6hobSj8BzRU7
contact : അനില സുധിൻ – 55633618

സാൽമിയ മേഖല – ശ്രീ.രജിത് ഫ്ലാറ്റ്
Flat 18, building 12,Block12, Jedda 3, Abuhoreira Street, Salmiya, Near ICSK Amman
Location Map: https://goo.gl/maps/wXtDi8kTfDuRp2Xt9
contact : ദേവി ഉദയൻ – 97846103

മംഗഫ് മേഖല –
Block -4 , Street -25, Building -75, Floor -5, Room-20

contact : റോസി സോധർ – 99510663

ഗുരുസേവയിൽ

ഷാജൻ കുമാർ
ചീഫ് കോഓർഡിനേറ്റർ ഗുരുദർശനവേദി

ബിജു സി.വി
ജനറൽ സെക്രട്ടറി – സാരഥി കുവൈറ്റ്

October 4, 2022 0 comments

News/Blog Trust

സാരഥി ട്രസ്റ്റ് 16 മത് വാർഷിക പൊതുയോഗം സംഘടിപ്പിക്കുന്നു

by Generalsecretary September 20, 2022

written by Generalsecretary

സാരഥി ട്രസ്റ്റ് 16 മത് വാർഷിക പൊതുയോഗം 2022 സെപ്റ്റംബർ മാസം 23-)o തീയതി വെള്ളിയാഴ്ച രാവിലെ 10:30 മുതൽ (IST 1:00 pm) ഓൺലൈൻ ആയി നടത്തപ്പെടുന്നു.

എഡ്യൂക്കേഷണൽ ആന്റ് ചാരിറ്റബിൾ ട്രസ്റ്റ് ഓഫ് സാരഥി കുവൈറ്റിൻറെ 16-) മത് വാർഷിക പൊതുയോഗത്തിലേക്ക് ( 16th TRUST COUNCIL MEETING) എല്ലാ സാരഥി അംഗങ്ങളെയും ട്രസ്റ്റ് അംഗങ്ങളെയും സാദരം ക്ഷണിച്ചുകൊള്ളുന്നു

വാർഷിക പൊതുയോഗത്തിൽ പങ്കെടുക്കുവാനായി ഈ ഗൂഗിൾ ഫോംമിൽ രജിസ്റ്റർ ചെയ്യുക.

https://docs.google.com/forms/d/1k0LJ1_vqZfkS62tqz2pIK6GLlDsjz7eg5khnTnOCeN0/edit

September 20, 2022 0 comments

Gurudarshana Vedhi News/Blog

സാരഥി തീർത്ഥാടനം 2022 – ആഗോള ഗുരുദേവ സാഹിത്യ മത്സരങ്ങൾ സംഘടിപ്പിക്കുന്നു.

by Generalsecretary September 20, 2022

written by Generalsecretary

ശ്രീനാരായണ ഗുരുദേവ തൃപ്പാദങ്ങളാല്‍ കല്പിച്ചനുവദിക്കപ്പെട്ട ശിവഗിരി തീര്‍ത്ഥാടനം നവതിയിലെത്തിയിരിക്കുകയാണ്. കാലദേശവര്‍ത്തിയായ ഗുരുദര്‍ശന പ്രചരാണര്‍ത്ഥം
സാരഥി കുവൈറ്റിന്റെ നേതൃത്വത്തില്‍ ശിവഗിരി തീര്‍ത്ഥാടനത്തോടനുബന്ധിച്ച് കുവൈറ്റില്‍ നടത്തിവരുന്ന ഗുരുദേവ സാഹിത്യ മത്സരങ്ങള്‍ ഈ വര്‍ഷം ലോകമെമ്പാടുമുള്ള ഗുരുദേവ വിശ്വാസികളെ ഉള്‍പ്പെടുത്തി ആഗോള ഗുരുദേവ സാഹിത്യ മത്സരമായി സംഘടിപ്പിക്കുന്ന വിവരം സസന്തോഷം അറിയിക്കട്ടെ.ഓണ്‍ലൈനായി സംഘടിപ്പിക്കുന്ന പ്രസ്തുത മത്സരത്തിലേക്ക് ലോകമെമ്പാടുമുള്ള ശ്രീനാരായണീയരെ വിനയപുരസരം സ്വാഗതം ചെയ്യുന്നു.

താഴെ കൊടുത്തിരിക്കുന്ന ലിങ്കിലൂടെ മത്സരത്തിനായി രജിസ്റ്റർ ചെയ്യാവുന്നതാണ് .
Registration Link 👇

https://forms.gle/ZXrznoQZW5abxmcAA

Competition Schedule 👇

https://drive.google.com/file/d/1N3NBR7hhLGFfF1ZJK6C2tp0yH4eUfh5X/view?usp=sharing

തീർത്ഥാടനം 2022 ആഗോള ഗുരുദേവ സാഹിത്യ മത്സരങ്ങളുടെ നിയമാവലി 👇

https://drive.google.com/file/d/1_5jPyVJOMpBKXUdY3cUQas35qOFN2Vqu/view?usp=sharing

കൂടുതൽ വിവരങ്ങൾക്കായി താഴെ പറയുന്ന നമ്പറുകളിൽ ബന്ധപ്പെടാവുന്നതാണ്.
Vinish Viswam +965 66152624
JIKKY SATHYADAS +965 65760337
SUDEEP SUKUMARAN +965 69948422

ബിജു .സി ,വി
ജനറൽ സെക്രട്ടറി -സാരഥി കുവൈറ്റ്

September 20, 2022 0 comments

Editor's Picks News/Blog

സാരഥി കുവൈറ്റ് രക്തദാനക്യാമ്പ് സംഘടിപ്പിച്ചു

by Generalsecretary July 4, 2022

written by Generalsecretary

സാരഥി കുവൈറ്റ് ഇന്ത്യയുടെ 76 മത് സ്വാതന്ത്ര്യ ദിനത്തിന്റെ ഭാഗമായി രക്തദാനക്യാമ്പ് സംഘടിപ്പിച്ചു.ജാബ്രിയ സെൻട്രൽ ബ്ലഡ് ബാങ്കിൽ ജൂലൈ 1 വെള്ളിയാഴ്ച ഉച്ചയ്ക്ക് ഒരു മണി മുതൽ 7 മണി വരെ നടത്തിയ ക്യാമ്പിൽ നൂറിൽപരം ദാതാക്കൾ രക്തദാനം നടത്തി.

കുവൈറ്റ് ബ്ലഡ് ബാങ്കിൽ നേരിടുന്ന രക്ത ദൗർലഭ്യം നേരിടുന്നതിനായി സെൻട്രൽ ബ്ലഡ് ബാങ്കിൻറെ പ്രത്യേക അഭ്യർത്ഥന പ്രകാരം സംഘടിപ്പിച്ച ക്യാമ്പിന് സാരഥി ഹസാവി സൗത്ത് യൂണിറ്റും സാരഥി സെൻട്രൽ ക്രൈസിസ് മാനേജ്മെൻറ് ടീമും നേതൃത്വം നൽകി.

രക്തദാന ക്യാമ്പിന്റെ ഔപചാരിക ഉദ്ഘാടനം സാരഥി പ്രസിഡൻറ് ശ്രീ സജീവ് നാരായണൻ നിർവ്വഹിക്കുകയുണ്ടായി . സാരഥി നടത്തുന്ന ജീവകാരുണ്യ പ്രവർത്തനങ്ങളെ കുറിച്ച് സാരഥി ജനറൽസെക്രട്ടറി ശ്രീ ബിജു സി വി വിശദീകരിക്കുകയും, സാരഥി ട്രഷറർ ശ്രീ അനിത് കുമാർ,വൈസ് പ്രസിഡൻറ് ശ്രീ സതീഷ് പ്രഭാകരൻ വനിതാവേദി ചെയർപേഴ്സൺ ശ്രീമതി പ്രീത സതീഷ് രക്തദാനക്യാമ്പ് ജനറൽ കൺവീനർ ശ്രീ വിജേഷ് വേലായുധൻ എന്നിവർ ആശംസകൾ അറിയിച്ചു.

തദവസരത്തിൽ സാരഥി കുവൈറ്റ് ജൂലൈ 10 ന് സംഘടിപ്പിക്കുന്ന ചിത്രരചനാ മത്സരമായ നിറക്കൂട്ട് 2022 ൻറെ ഫ്ലയർ പ്രകാശനം സാരഥി പ്രസിഡന്റ് ശ്രീ.സജീവ് നാരായണൻ നിർവഹിച്ചു.

സാരഥി കുവൈറ്റിൻറെ ഹസ്സാവി സൗത്ത് യൂണിറ്റും, സാരഥി ക്രൈസിസ് മാനേജ്മെൻറ് കമ്മറ്റി എന്നിവർ സംയുക്തമായി നേതൃത്വം നൽകി സംഘടിപ്പിച്ച രക്തദാന ക്യാമ്പ് ജനറൽ കൺവീനർ വിജേഷ്,വിജയൻ, ശ്രീകാന്ത്,കൃപേഷ്,ഷാജി ശ്രീധരൻ,അഭിജിത്ത്, അഭിഷേക്, ഷിബു കെ പി,അരുൺ പ്രസാദ്, തേജസ് കൃഷ്ണ,മായ അനുമോൻ,അഞ്ചു രാജീവ്,അനില സുദിൻ, രഹന ഷഫർ,കവിത, റീന ബിജു, ബിന്ദു സജീവ്, സനൽകുമാർ,അജിത് ആനന്ദ്, മൃദുൽ എന്നിവർ കോർഡിനേറ്റ് ചെയ്തു.

July 4, 2022 0 comments

News/Blog Vanitha Vedhi

ജനനി 2022

by Generalsecretary June 30, 2022

written by Generalsecretary

സാരഥി കുവൈറ്റ് വനിതാവേദി കേന്ദ്ര കമ്മിറ്റി ” Good Parenting ” എന്ന വിഷയത്തിൽ ഒരു പ്രഭാഷണം സംഘടിപ്പിക്കുന്നു. ശ്രീമതി C . N. രാധാദേവി, നയിക്കുന്ന പ്രസ്തുത പ്രഭാഷണം, കുട്ടികളുടെ വളർച്ചയുടെ ഓരോ ഘട്ടത്തിലും മാതാപിതാക്കൾ ഇന്ന്‌ അനുഭവിക്കുന്ന മാനസിക സംഘർഷങ്ങൾക്ക് ഒരു പരിധിവരെ ഉത്തരം കണ്ടെത്താൻ സഹായിക്കും എന്നു കരുതുന്നു .

August 12 നു ഓൺലൈൻ പ്ലാറ്റുഫോമിലൂടെ നടക്കുന്ന ഈ പരിപാടിയുടെ കൂടെ ഇന്ത്യയുടെ 75-)മത് സ്വാതന്ത്ര്യ ദിനാഘോഷങ്ങളുടെ ഭാഗമായി സാരഥി കുടുംബാംഗങ്ങൾക്കായി ദേശഭക്തി ഗാനാലാപന മത്സരവും നടത്തുന്നുണ്ട് . നിയമാവലി ചുവടെ ചേർക്കുന്നു.

ദേശഭക്തി ഗാനാലാപന നിയമാവലി

ഒരു യൂണിറ്റിൽ നിന്നും ഒരു ടീമിന് മാത്രമേ പങ്കെടുക്കാൻ സാധിക്കു.
ഒരു ടീമിൽ കുറഞ്ഞത് 5 പേരും പരമാവധി 10 പേരും ഉണ്ടായിരിക്കേണ്ടതാണ്, അതിൽ 3 പേര് ഉറപ്പായും 18 വയസ്സിനു മുകളിൽ ഉള്ളവരായിരിക്കണം.
ദേശഭക്തി ഗാനം മനഃപാഠമായിരിക്കണം.
മലയാളം / ഹിന്ദി ഭാഷയിൽ ആയിരിക്കണം ഗാനങ്ങൾ.
ഒരു ടീമിന് അനുവദിക്കുന്ന പരമാവധി സമയം 5 minute ആയിരിക്കും.
വിധി നിർണയം ശ്രുതി , താളം, ഭാവം, അക്ഷര സ്ഫുടത ഒരേ ഈണത്തിൽ ഒരുമിച്ചു പാടുവാനുള്ള കഴിവ് എന്നിവയെ അടിസ്ഥാന പ്പെടുത്തി ആയിരിക്കും.
പക്കമേളം, വേഷഭൂഷാദികൾ എന്നീവ വിധി നിർണയത്തിന് പ്രത്യേക പരിഗണന നൽകില്ല.
വിധികർത്താക്കളുടെ തീരുമാനം അന്തിമമായിരിക്കും .
മത്സരത്തിൽ പങ്കെടുക്കുന്നവർ July 15 നുള്ളിൽ പേരുകൾ register ചെയ്യേണ്ടതാണ്.
വീഡിയോ upload ചെയ്യേണ്ടേത് July 25 നും 31 നും ഇടക്കാണ്.

സാരഥി കേന്ദ്ര വനിതാവേദിയ്ക്ക് വേണ്ടി,

പ്രീത സതീഷ് – ചെയർപേഴ്സൺ 97521399
ബിന്ദു സജീവ് – വൈസ് ചെയർപേഴ്സൺ 99329919
മഞ്ജു സുരേഷ് – സെക്രട്ടറി 66967739

June 30, 2022 0 comments

Newer Posts

Older Posts