ഭവനരഹിതർക്കായി സാരഥി കുവൈറ്റ് ഒരുക്കുന്ന “സാരഥി സ്വപ്നവീട് ” ഭവന പദ്ധതി പ്രകാരം പൂർത്തിയായ മൂന്നാമത്തെ സ്വപ്നവീടിൻറെ ഗൃഹപ്രവേശന ചടങ്ങ് ജൂൺ 30 വ്യാഴാഴ്ച സംഘടിപ്പിച്ചു.
സാരഥി അഹമ്മദി യൂണിറ്റിലെ അംഗമായ ശ്രീ. ശിവരാമന് വേണ്ടി തൃശ്ശൂർ ജില്ലയിലെ വാടനാപ്പള്ളിയിൽ പൂർത്തീകരിച്ച ഈ സ്വപ്നവീടിൻറെ താക്കോൽദാനം സാരഥി ഭവനപദ്ധതിയുടെ ചീഫ് കോർഡിനേറ്റർ ശ്രീ. മുരുകദാസിൽ നിന്നും ശ്രീ.ശിവരാമൻ ഏറ്റുവാങ്ങി.
20 വർഷത്തെ കുവൈറ്റിലെ നീണ്ട പ്രവാസ ജീവിതത്തിൽ, തുച്ഛമായ വരുമാനത്തിൽ കഴിഞ്ഞിരുന്ന ശ്രീ. ശിവരാമൻറെ സ്വന്തമായൊരു വീടെന്ന സ്വപ്നം സാരഥി സ്വപ്നവീട് പദ്ധതിയിലൂടെ സാക്ഷാത്കരിക്കുകയാണ്.
ചടങ്ങിൽ സാരഥിയുടെ പ്രമുഖ വ്യക്തിത്വങ്ങളായ ശ്രീ. പ്രീതിമോൻ വാലത്ത്, ശ്രീ. ജയകുമാർ എൻ.എസ്, ശ്രീ. സുനിൽ കുമാർ പി.ബി. എന്നിവർ പങ്കെടുത്തു.
Service To Humanity എന്ന അടിസ്ഥാന തത്വത്തിൽ ഊന്നി പ്രവർത്തിക്കുന്ന സാരഥി കുവൈറ്റിൻറെ നേതൃത്വത്തിൽ “സാരഥി സ്വപ്നവീട് ഭവന പദ്ധതി” പ്രകാരം പുതിയ രണ്ട് ഭവനങ്ങളുടെ നിർമ്മാണം നടന്നുവരുന്നതായി ഭാരവാഹികൾ അറിയിച്ചു.
