ദൈവദശകം വിശ്വസമാധാന പ്രാർത്ഥനാ ദിനം
കോവിഡ് എന്ന മഹാവ്യാധി പടർന്നുകൊണ്ടിരിക്കുന്ന ഈ സാഹചര്യത്തിൽ, ജാതി മത രാഷ്ട്രീയ സങ്കുചിത ചിന്ത മറന്നുള്ള സംഘടിതമായ ആത്മീയ ബോധം വളരാൻ ദൈവദശകം എന്ന ദൈവോപനിഷത്ത് മികച്ചത് മറ്റൊന്നില്ലെന്ന് എല്ലാവരും സമ്മതിക്കുന്നു.
ദൈവമേ കാത്തുകൊൾകങ്ങു-
കൈവിടാതിങ്ങു ഞങ്ങളെ, നാവികൻ നീ ഭവാബ്ധിക്കൊ-
രാവിവൻ തോണി നിൻപദം!.
മെയ് 6 വ്യാഴാഴ്ച്ച ചതയം നാളിൽ വൈകിട്ട് 6 മണി മുതൽ 10 മണി വരെ ദൈവദശകം കൃതി ഭവനങ്ങളിൽ വിളക്ക് തെളിയിച്ച് പ്രാർത്ഥന നടത്തുകയും ചെയ്യണമെന്ന് അപേക്ഷിക്കുന്നു.
എസ് എൻ ഡി പി യോഗത്തിൻ്റെയും പോഷക സംഘടനകളായ വനിതാ സംഘം , യൂത്ത് മൂവ്മെൻ്റ്, സൈബർ സേന, എംപ്ലോയിസ് ഫോറം, വൈദിക സമിതി, കുമാരി കുമാരസംഘം, പെൻഷനേഴ്സ് കൗൺസിൽ, ദൈവദശകം ഫൗണ്ടേഷൻ ട്രസ്റ്റ് എന്നിവയുടെ സംയുക്ത ആഭിമുഖ്യത്തിൽ ദൈവദശകം വിശ്വസമാധാന പ്രാർത്ഥനാ ദിനമായി ആചരിക്കുകയാണ്.
ഈ പ്രാർത്ഥനാ യജ്ഞത്തിൽ എല്ലാ സാരഥീയരും പങ്കെടുക്കണമെന്ന് അഭ്യർത്ഥിക്കുന്നു. എല്ലാ ആധികളിലും, വ്യാധികളിൽ നിന്നും ഭഗവാൻ ശ്രീ നാരായണ ഗുരുദേവൻ നമ്മെ കാത്ത് രക്ഷിക്കട്ടെ !
ഭഗവാൻ്റെ അനുഗ്രഹം ഏവർക്കും ഉണ്ടാകുമാറാകട്ടെ.!
സാരഥി കുവൈറ്റ്