കുവൈറ്റ്‌ സിറ്റി:- സാരഥി കുവൈറ്റ്‌ ഇരുപത്തിരണ്ടാം വാര്‍ഷികത്തോടനുബന്ധിച്ചും ഇന്ത്യയുടെ എഴുപത്തിരണ്ടാമത് റിപ്പബ്ലിക് ദിനാഘോഷങ്ങളുടെ ഭാഗമായും ബ്ലഡ്‌ ഡോണേഴ്സ് കേരള കുവൈറ്റ്‌ ചാപ്റ്ററിന്‍റെ പങ്കാളിത്തത്തോടെ രക്തദാന ക്യാമ്പ്‌ സംഘടിപ്പിച്ചു. സെന്ട്രൽ ബ്ലഡ് ബാങ്കിന്റെ അദാൻ ആശുപത്രിക്ക് സമീപമുള്ള ബ്ലഡ് ട്രാൻസ്ഫ്യൂഷൻ സെന്ററിൽ ജനുവരി 22 വെള്ളിയാഴ്ച 9 മണി മുതല്‍ 1 മണി വരെ നടത്തിയ ക്യാമ്പില്‍ ഇരുനൂറില്‍ പരം ദാതാക്കള്‍ രക്തദാനം നടത്തി.

പൂര്‍ണമായും കോവിഡ്‌ മാനദണ്ഡങ്ങൾ പാലിച്ചാണ് ക്യാമ്പ് നടന്നത്. കോവിഡിന്റെ പശ്ചാത്തലത്തിൽ കുവൈത്ത് ബ്ലഡ് ബാങ്കിൽ നേരിടുന്ന രക്തദൌർലഭ്യം നേരിടുന്നതിനായി സെൻട്രൽ ബ്ലഡ് ബാങ്കിന്റെ പ്രത്യേക അഭ്യർത്ഥനപ്രകാരമാണ് ക്യാമ്പ് സംഘടിപ്പിച്ചത്.

ദൈവദശകത്തോട് കൂടി ആരംഭിച്ച ക്യാമ്പിന്‍റെ ഔപചാരിക ഉദ്ഘാടനം സാരഥി പ്രസിഡന്റ്‌ സജീവ്‌ നാരായണന്‍ നിര്‍വഹിച്ചു. രഘുബാൽ ബിഡികെ സ്വാഗതം അര്‍പ്പിച്ചു. സാരഥി കുവൈറ്റിനെക്കുറിച്ചും സംഘടനയുടെ പ്രവര്‍ത്തനങ്ങളെക്കുറിച്ചും സാരഥി ജനറല്‍ സെക്രട്ടറി ബിജു സി വി ആമുഖപ്രസംഗത്തില്‍ വിശദീകരിച്ചു. സാരഥി ട്രസ്റ്റ്‌ ചെയര്‍മാന്‍ സുരേഷ് കെ, ബിഡികെ രക്ഷാധികാരി മനോജ്‌ മാവേലിക്കര, സാരഥി സെന്‍ട്രല്‍ വനിതാവേദി സെക്രട്ടറി പ്രീത സതീഷ്‌, സാരഥി ട്രസ്റ്റ്‌ സെക്രട്ടറി വിനോദ് സി എസ്, സാരഥി വൈസ് പ്രസിഡണ്ട്‌ എന്‍ എസ് ജയകുമാര്‍ ,സാരഥി ഉപദേശക സമിതി അംഗം സുരേഷ് കെ പി, സാരഥി ട്രഷറര്‍ രജീഷ് മുല്ലക്കല്‍ എന്നിവര്‍ ചടങ്ങില്‍ ആശംസകള്‍ അറിയിച്ചു.
ക്യാമ്പ്‌ വിജയകരമായി സംഘടിപ്പിച്ചതിനുള്ള പ്രശംസാഫലകം ട്രഷർ ടി. എം. രമേശൻ, മനോജ് മാവേലിക്കര, ബിഡികെ ഉപദേശക സമിതി അംഗം രാജൻ തോട്ടത്തിൽ എന്നിവർ ചേർന്ന് സാരഥി സെന്‍ട്രല്‍ ഭാരവാഹികൾക്ക് കൈമാറി. രക്തദാന ക്യാമ്പ്‌ കോര്‍ഡിനേറ്റര്‍ ആയ സാരഥി ഹസ്സാവി യൂണിറ്റ് എക്സിക്യൂട്ടീവ് അംഗം ദിനു കമല്‍ ക്യാമ്പ് വിജയകരമായി നടത്തിക്കാന്‍ സഹായിച്ച സംഘാടകര്‍ക്കും ചടങ്ങില്‍ പങ്കെടുത്ത എല്ലാവര്‍ക്കും പ്രത്യേകിച്ച് എല്ലാ രക്തദാതാക്കള്‍ക്കും നന്ദി അര്‍പ്പിച്ചു.
സാരഥി അബ്ബാസിയ ഈസ്റ്റ്‌ യൂണിറ്റിന്റെ നേതൃത്വത്തില്‍ ഫെബ്രുവരി 19ന് നടത്തുന്ന നിറക്കൂട്ട്‌ – ഓണ്‍ലൈന്‍ ചിത്ര രചനാ മത്സരത്തിന്‍റെ പോസ്റ്റര്‍ പ്രകാശനം ചടങ്ങില്‍ വെച്ച് നിര്‍വഹിച്ചു. അബ്ബാസിയ ഈസ്റ്റ്‌ യൂണിറ്റ് കണ്‍വീനര്‍ ശ്രീ സനല്‍ കുമാര്‍ സാരഥി സെന്‍ട്രല്‍ ഭാരവാഹികള്‍ക്ക് നിറക്കൂട്ട് പോസ്റ്റര്‍ കൈമാറി.

സാരഥി കുവൈറ്റിന്റെ രക്തദാന ക്യാമ്പിനു ചുക്കാന്‍ പിടിച്ച ഹസ്സാവി സൗത്ത് യൂണിറ്റിന്റെ മാനേജിംഗ് കമ്മറ്റിഅംഗങ്ങള്‍ ആയ ഷാജി ശ്രീധരന്‍, അരുണ്‍ പ്രസാദ്, വിജയന്‍ കെ സി, അശ്വിന്‍ സി വി, ജിത മനോജ്‌, അനില സുധിന്‍, മായ അനു, ഹിത സുഹാസ്‌, അരുണ്‍ മോഹന്‍ദാസ്‌ ബിഡികെ അംഗങ്ങള്‍ ആയ നിമിഷ്, സോയൂസ്, വിനോത്, ശ്രീകുമാർ, നളിനാക്ഷൻ, അജിത് ചന്ദ്രൻ, ജോളി, ബീന എന്നിവർ ക്യാമ്പിന് നേതൃത്വം നൽകി.

ബഹ്‌റിൻ എക്സ്ചേഞ്ച് ( BEC)യാത്ര അയപ്പ് നൽകി
മൂന്ന് പതിറ്റാണ്ട് കാലത്തെ  പ്രവാസ ജീവിതം  മതിയാക്കി നാട്ടിലേയ്ക്ക് യാത്ര തിരിക്കുന്ന സാരഥി കുവൈറ്റിൻ്റെ   മുൻ പ്രസിഡൻ്റും സാമൂഹിക പ്രവർത്തകനുമായ ശ്രീ.സുഗുണൻ കെ.വി യ്ക്ക് പ്രമുഖ എക്സ്ചേഞ്ച് കമ്പനിയും സാരഥി കുവൈറ്റിന്റെ ആനുവൽ സ്പോൺസറുമായ ബഹ്റിൻ എക്സ്ചേഞ്ച് കമ്പിനി സ്നേഹോഷ്മളമായ യാത്ര അയപ്പ് നൽകി..

ബഹ്റിൻ എക്സ്ചേഞ്ച് ജനറൽ മാനേജർ ശ്രീ.മാത്യൂസ് വർഗ്ഗീസ് സ്നേഹോപഹാരം ശ്രീ.സുഗുണന് കൈമാറി. ചടങ്ങിൽ ബഹ്റിൻ എക്സ്ചേഞ്ച് മാർക്കറ്റിംങ്ങ് മാനേജർ ശ്രീ.രാംദാസ് നായർ, സാരഥി പ്രസിഡൻ്റ് ശ്രീ.സജീവ് നാരായണൻ, ജനറൽ സെക്രട്ടറി ശ്രീ.ബിജു.സി.വി, ട്രസ്റ്റ് ചെയർമാൻ ശ്രീ.സുരേഷ്.കെ, അഡ്

The Bahrain Exchange (BEC) Give send-off

മൂന്ന് പതിറ്റാണ്ട് കാലത്തെ പ്രവാസ ജീവിതം മതിയാക്കി നാട്ടിലേയ്ക്ക് യാത്ര തിരിക്കുന്ന സാരഥി കുവൈറ്റിൻ്റെ ആദ്യകാല നേതാക്കളില്‍ ഒരാളും, സാരഥി കുവെറ്റിൻ്റെ മുൻ പ്രസിഡൻ്റുമായ ശ്രീ.സുഗുണൻ കെ.വി യ്ക്ക് സാരഥി കുവൈറ്റ് സ്നേഹോഷ്മളമായ യാത്ര അയപ്പ്നൽകി.

സാരഥി കുവൈറ്റിന്റെ ട്രഷറർ, വൈസ് പ്രസിഡന്റ് , അഡ്വൈസറി അംഗം തുടങ്ങി വിവിധ തലങ്ങളിൽ പ്രവർത്തിച്ചിട്ടുള്ള ശ്രീ.സുഗുണൻ കെ.വി യെ ചടങ്ങിൽ ആദരിക്കുകയും സാരഥിയുടെ സ്നേഹോപഹാരം നൽകുകയും ചെയ്തു.

തിരക്ക് നിറഞ്ഞ പ്രവാസ ജീവിതത്തിനിടയിലും സംഘടനാപ്രവർത്തനം സ്വന്തം ജീവിതത്തിന്റെ ഭാഗമായി കൊണ്ടുനടക്കാനും സാമൂഹിക ജീവകാരുണ്യപ്രവര്‍ത്തനങ്ങളില്‍ എന്നും സജീവമാകാനും അദ്ദേഹത്തിന് സാധിച്ചിട്ടുണ്ട് എന്ന് ചടങ്ങിൽഅധ്യക്ഷത വഹിച്ച സാരഥി പ്രസിഡൻറ് ശ്രീ.സജീവ് നാരായണൻ പറഞ്ഞു.

സാരഥി ജനറൽ സെക്രട്ടറി.ശ്രീ. ബിജു സി.വി. സ്വാഗതം ആശംസിച്ച ചടങ്ങിൽ ട്രസ്റ്റ് ചെയർമാൻ ശ്രീ.സുരേഷ്.കെ., ട്രഷറർ. ശ്രീ.രജീഷ് മുല്ലക്കൽ, രക്ഷാധികാരി ശ്രീ.സുരേഷ് കൊച്ചത്ത്,വൈസ് പ്രസിഡണ്ട് ശ്രീ.ജയകുമാർ എൻ.എസ് , വനിതാവേദി ചെയർപേഴ്സൺ ശ്രീമതി.ബിന്ദു സജീവ്, അഡ്വൈസറി അംഗങ്ങളായ ശ്രീ.സുരേഷ്.കെ.പി, പ്രീതിമോൻ വാലത്ത് , ശ്രീ.സി.എസ് ബാബു, സെക്രട്ടറി.ശ്രീ. നിഖിൽ ചാമക്കാലയിൽ തുടങ്ങി സാരഥിയുടെ വിവിധ സംഘടനാ പ്രതിനിധികൾ ആശംസകൾ നേരുകയും ജോയിൻറ് ട്രഷറർ ശ്രീ.ദീപു കൃതജ്ഞത രേഖപ്പെടുത്തുകയും ചെയ്തു..

സാരഥി കുവൈറ്റ് 20 -മത് വാർഷിക പൊതുയോഗവും, പുതിയ ഭാരവാഹികളുടെ തിരഞ്ഞെടുപ്പുംനടത്തി
==========================================================
കുവൈറ്റിലെ ശ്രീനാരായണീയ പ്രസ്ഥാനമായ സാരഥി കുവൈറ്റ് 20 മത് വാർഷിക പൊതുയോഗവും, 2020-22 വർഷത്തെ ഭാരവാഹികളുടെതിരഞ്ഞെടുപ്പും നടത്തുകയുണ്ടായി.

സാരഥി പ്രസിഡന്റ് ശ്രീ.സുഗുണൻ കെ.വിയുടെ അദ്ധ്യക്ഷതയിൽചേർന്ന വാർഷിക പൊതുയോഗം സാരഥി രക്ഷാധികാരിശ്രീ. സുരേഷ് കൊച്ചത്ത് ഉത്ഘാടനം ചെയ്തു.  സാരഥി സെക്രട്ടറി ശ്രീ. ദീപു സ്വാഗതം ആശംസിക്കുകയും, ജനറൽ സെക്രട്ടറി ശ്രീ.അജി കെ.ആർ 2019-20 വർഷത്തെ പ്രവർത്തന റിപ്പോർട്ടും, ട്രഷറർ ശ്രീ.ബിജു. സി.വി സാമ്പത്തിക റിപ്പോർട്ടും, വനിതാവേദിയുടെപ്രവർത്തന റിപ്പോർട്ട്സെക്രട്ടറി ശ്രീമതി. പ്രീത സതീഷും  അവതരിപ്പിച്ച്അംഗീകാരം നേടി. സാരഥി ട്രസ്റ്റിന്റെ പ്രവർത്തനങ്ങളെക്കുറിച്ച് ചെയർമാൻ ശ്രീ.സുരേഷ്.കെ വിശദീകരിച്ചു.

2020 -22  വർഷത്തെ സാരഥി കുവൈറ്റ് ഭാരവാഹികളായിശ്രീ. സജീവ് നാരായണൻ ( പ്രസിഡന്റ്), ശ്രീ.ബിജു. സി.വി (ജനറൽ സെക്രട്ടറി), ശ്രീ.രജീഷ് മുല്ലയ്ക്കൽ ( ട്രഷറർ), ശ്രീ.ജയകുമാർ എൻ.എസ്  ( വൈസ് പ്രസിഡന്റ്), ശ്രീ.നിഖിൽ ഭാസ്കരൻ (സെക്രട്ടറി), ശ്രീ. ദീപു (ജോയിന്റ് ട്രഷറർ) എന്നിവരെയും,

സാരഥി വനിതാവേദി ഭാരവാഹികളായി ശ്രീമതി. ബിന്ദുസജീവ് (ചെയർപേഴ്സൺ), ശ്രീമതി.പ്രീത സതീഷ് (സെക്രട്ടറി), ശ്രീമതി. മിത്രാ ഉദയൻ (ട്രഷറർ), ശ്രീമതി. മഞ്ജു സുരേഷ് (വൈസ് ചെയർപേഴ്സൺ), ശ്രീമതി. രമ വിദ്യാധരൻ (ജോ:സെക്രട്ടറി), ശ്രീമതി. ലൈലാ അജയൻ (ജോ. ട്രഷറർ) എന്നിവരെയും ഏകകണ്ഠമായി തിരഞ്ഞെടുത്തു.

കോവിഡ് പശ്ചാത്തലത്തിൽ ഓൺലൈനിലൂടെ സംഘടിപ്പിച്ച വാർഷിക പൊതുയോഗത്തിൽ  2019 -20  വർഷത്തെ മികച്ച വിദ്യാർത്ഥികൾക്കുള്ള  ശ്രീ.ശാരദാംബ  എക്സലൻസ് അവാർഡുകളും വിതരണം ചെയ്തു.  വിവിധ മേഘലയിലെ സമഗ്ര സംഭാവനകൾക്കായിശ്രീ. CS. ബാബു,  2019-2020 പ്രവർത്തന വർഷത്തിൽ  സാരഥി  നടത്തിയ  പരിപാടികളുടെ വിജയകരമായ നടത്തിപ്പിന് നേതൃത്വം കൊടുത്ത ശ്രീ.വിനീഷ് വിശ്വംഭരൻ, ശ്രീ.സുരേഷ് ബാബു, ശ്രീമതി.ലിനി ജയൻ, ശ്രീ.മനു കെ.മോഹൻ, ശ്രീ.പ്രമീൾ പ്രഭാകരൻ  എന്നിവർ അവാർഡുകൾക്ക് അർഹരായി.

ശ്രീ.പ്രീതിമോൻ വാലത്ത്, ശ്രീ.സുരേഷ് വെള്ളാപ്പള്ളി, ശ്രീ. റെജി സി.ജെ ,ശ്രീ.ജയൻ സദാശിവൻ എന്നിവർ വാർഷിക പൊതുയോഗത്തിൻറെ പ്രസീഡിയം നിയന്ത്രിച്ചു .

മുൻ കുവൈത്ത്‌ ഉപപ്രധാന മന്ത്രിയും പ്രതിരോധ മന്ത്രിയുമായിരുന്ന ഷൈഖ്‌ നാസർ അൽ സബാഹ്‌ അൽ അഹമ്മദ്‌ ന്റെ നിര്യാണത്തിൽ സാരഥി കുവൈറ്റ് അനുശോചനം രേഖപ്പെടുത്തി.

ഇന്ത്യയും കുവൈത്തും തമ്മിലുള്ള ബന്ധം വളർത്തുന്നതുന്നതിൽ ഒട്ടേറെ സംഭാവനകൾ നൽകിയ വ്യക്തിയെയാണു ഷൈഖ്‌ നാസർ. അദ്ദേഹത്തിൻ്റെ വിയോഗം മൂലം കുവൈത്തി ജനതക്കും സബാഹ്‌ കുടുംബത്തിനും ഉണ്ടായ ദുഖത്തിൽ പങ്കു ചേരുന്നതിനൊപ്പം അദ്ദേഹത്തിന്റെ ആത്മാവിനു നിത്യ ശാന്തി നേരുന്നു..

സാരഥി കുവൈറ്റ്

“ഒരു ജാതി ഒരുമതം ഒരു ദൈവം മനുഷ്യന് “എന്ന ഏകലോകദർശനം വിശ്വമാനവികതയുടെ വിഹായസിലേക്ക് തുറന്നു വെച്ച ലോകരാധ്യനായ ശ്രീ നാരായണ ഗുരുദേവൻ കല്പിച്ചു അനുവദിക്കപ്പെട്ട ശിവഗിരി തീർത്ഥാടനം ഗുരുദേവ ദർശനത്തിന്റെയും, സന്ദേശങ്ങളുടെയും ഉള്ളടക്കത്തിലേക്കു പ്രവേശിക്കുവാൻ ഉള്ള മഹത്തായ കവാടം ആണ്‌. 
എല്ലാ മനുഷ്യരുടെയും സർവതോമുഖമായ അഭിവൃധി ആണ്‌ ശിവഗിരി തീർത്ഥടനത്തിന്റ മൗലികമായ ലക്ഷ്യം. ജീവിതവുമായി ബന്ധപ്പെടുന്ന സമസ്ത മേഖലകളിലെയും ദാർശനികവും , ശാസ്ത്രീയവുമായ അറിവ് പകർന്നു നൽകുന്നതാണ് ശിവഗിരി തീർത്ഥാടനം.
മഹാഗുരുവിന്റ മഹത്തരമായ വചനങ്ങളും, കാവ്യ സംസ്കൃതികളും പരസ്പര സ്നേഹത്തിലൂടെയും, ത്യാഗബുദ്ധിയിലൂടെയും പ്രചാരണാതീതമാക്കുക എന്ന ലക്ഷ്യം മുൻ നിർത്തി 88)മത് ശിവഗിരി തീർത്ഥടനത്തോട് അനുബന്ധിച്ചു സാരഥി കുവൈറ്റ്‌ സാൽമിയ പ്രാദേശിക സമിതി നേതൃത്വം നൽകുന്ന 9) മത് തീർത്ഥാടനം 1 ജനുവരി 2021 വെള്ളിയാഴ്ച കോവിഡ് എന്ന മഹാമാരിയെ തുടർന്നുണ്ടായ പ്രത്യേക സാഹചര്യത്തിൽ വേർച്വൽ പ്ലാറ്റ്ഫോമിലൂടെ സാമൂചിതമായി ആഘോഷിക്കുന്ന വിവരം സന്തോഷപൂർവ്വം അറിയിച്ചു കൊള്ളുന്നു.
  ശിവഗിരിധർമ്മസംഘം ട്രസ്റ് ജനറൽ  സെക്രട്ടറി ശ്രീമത്.സാന്ദ്രാനന്ദ സ്വാമികൾ  തീർത്ഥാടനം  നിർവഹിക്കുന്ന തീർത്ഥാടന മഹാമഹത്തിൽ പ്രശസ്ത ഗുരുധർമ്മ  പ്രചാരകനായ ശ്രീ. ബിജു പുളിക്കലേടത്ത് മുഖ്യ പ്രഭാഷണം നടത്തുന്നു.

പരിപാടി യുടെ ഭാഗമായി  ഗുരുദേവ കലാമത്സരങ്ങളുടെ (ഗുരുകൃതി ആലാപനം, പ്രസംഗം, ഗുരുദേവ പ്രശ്നോത്തരി, ദമ്പതികളുടെ കൃതി ആലാപനം)  എന്നിവ ഉണ്ടായിരിക്കുന്നതാണ്.