*
*
സാരഥി കുവൈറ്റിന്റെ രജതജൂബിലി ആഘോഷ പരിപാടികളുടെ ഭാഗമായി
റാഫിൾ കൂപ്പൺ പ്രകാശനവും വിതരണവും സംഘടിപ്പിച്ചു.
സാൽമിയ ഇന്ത്യൻ കമ്മ്യൂണിറ്റി സീനിയർ സ്കൂളിൽ ജൂൺ ഏഴ് വെള്ളിയാഴ്ച നടന്ന സാരഥി ഗുരുകുലം വാർഷിക ആഘോഷ ചടങ്ങിൽ ആയിരുന്നു റാഫിൾ കൂപ്പൺ പ്രകാശനം നിർവഹിച്ചത്. സാരഥി പ്രസിഡന്റ് അജി കെ ആർ അദ്ധ്യക്ഷത വഹിച്ച യോഗത്തിൽ സുരേഷ് ബാബു ഏവർക്കും സ്വാഗതം ആശംസിച്ചു. രജതജൂബിലി ആഘോഷ കമ്മിറ്റി ചെയർമാൻ സുരേഷ് കെ സാരഥീയം@25 ന്റെ ഭാവി പ്രവർത്തനങ്ങളെക്കുറിച്ചു വിശദീകരിച്ചു.
വിശിഷ്ട അതിഥിയായി എത്തിച്ചേർന്ന BEC മാർക്കറ്റിംഗ് മാനേജർ രാംദാസ്, സാരഥി രക്ഷാധികാരി സുരേഷ് കൊച്ചത്തിന് റാഫിൾ കൂപ്പൺ നൽകി പ്രകാശന കർമ്മം നിർവഹിച്ചു. സാരഥി കേന്ദ്രഭരണസമിതി അംഗങ്ങൾ, വനിതാവേദി ചെയർപേഴ്സൺ, ട്രസ്റ്റ് ചെയർമാൻ, സിൽവർ ജൂബിലി സ്റ്റിയറിങ് കമ്മിറ്റി അംഗങ്ങൾ തുടങ്ങിയവർ ചടങ്ങിന് സാക്ഷ്യം വഹിച്ചു.
റാഫിൾ കൺവീനർ അജി കുട്ടപ്പൻ 121 കൂപ്പണുകൾ സാരഥി രക്ഷാധികാരി സുരേഷ് കൊച്ചത്തിന് നൽകിക്കൊണ്ട് കൂപ്പൺ വിതരണം ഉദ്ഘാടനം ചെയ്തു. തുടർന്ന് റാഫിള്‍ കോർഡിനേറ്റർ മൃദുൽ കെ എസ്, സനീഷ് സതീശൻ എന്നിവർ സാരഥിയുടെ 16 പ്രാദേശിക സമിതിയിലെയും ഭാരവാഹികൾക്ക് കൂപ്പണുകൾ നൽകി.
BEC മാർക്കറ്റിംഗ് മാനേജർ രാംദാസ് ചടങ്ങിൽ ആശംസ അറിയിച്ചു. സാരഥി ജനറൽ സെക്രട്ടറി ജയൻ സദാശിവൻ യോഗത്തിന് കൃതജ്ഞത അറിയിച്ചുകൊണ്ട് യോഗ നടപടികൾ പൂർത്തീകരിച്ചു.
റാഫിൾ കൂപ്പൺ സ്പോൺസർമാരായ ഷിബു സുകുമാരൻ, ഷിന്റോ ജോർജ് എന്നിവരോടുള്ള അകൈതവമായ നന്ദി ഈ അവസരത്തിൽ അറിയിച്ചുകൊള്ളുന്നു.
ആശംസകളോടെ,
സുരേഷ് കെ
സിൽവർജൂബിലി ചെയർമാൻ
ജയൻ സദാശിവൻ
ജനറൽ സെക്രട്ടറി
സാരഥി കുവൈറ്റ്